第三十六章中美日关系‘罔议‘4、5
（4）
在座的各人听了陶茵这段话，都不禁随之笑了起来。
阿政讲：“你嫲嫲喱种观点好‘特别’噃，我都係第一次听到有人噉讲嘅。”
陶茵听到阿政这样说，就回答：“係吖，我嫲嫲真係好‘特别’嘎，佢有啲观点好似好‘另类’，但都几有道理嘎。”
“哦？噉你再详细同我哋讲下吖。”阿政饶有兴趣地讲。
“茵茵。。”陶卓然再次担心女儿会‘信马由缰’地乱讲一气，就想打断他们的谈话。
“爹哋，我想‘秀’一‘秀’嫲嫲嘅观点啫，冇乜‘大碍’嘎哇？”陶茵嗲声嗲气地讲。
‘肥佬张’也想听陶茵讲下去，他就马上接口讲：“冇‘大碍’、冇‘大碍’，‘百家争鸣’，讲下又有乜‘大碍’啫？阿茵你继续。。”
陶茵听到，得意地看看父亲，接着讲：“嫲嫲话吖，我哋中华民族好少‘侵略’外族嘎，原因係我哋一早就进入咗‘农耕文明’。
“中国人只要有田耕，就好知足嘎啦。只要年成好，有收成，就有饭食，就可以安居乐业。生活一稳定，就可以研究同发展其它，比如‘文化’，‘科学’同‘技术’等等。
“中国古代以‘儒家’思想为核心嘅文化，先进嘅军事战略战术理念，以及‘四大发明’，就係喺‘农耕文明’形成后产生嘅。
“所以，喺人类几千年嘅历史中，我哋中华民族喺大部分时间里面，以及好多嘅领域里面，都係世界领先嘅。
“而且，我哋係个‘礼仪之邦’，从不‘恃强凌弱’。反而係匈奴、鲜卑、羯、氐、羌等游牧民族过去经常侵扰我哋，史称‘五胡乱华’，其中次数最多嘅就係匈奴人。
“虽然我哋中华民族亦有过为数唔多嘅对外‘征讨’，而且仲打到过去欧洲及中东等地，但都係当时中国被‘游牧民族’打败后，由外族人入主咗中原后才发生嘅。
“真正嘅‘汉人’係讲仁、义、礼、智、信嘅，唔会随便向其他民族发动战争。如果讲喺秦朝嘅蒙恬率三十万大军北击匈奴，以及汉唐前后狄青、霍去病、李广、窦宪、窦固等大将军先后率兵将‘匈奴’赶出咗草原同大漠，一直赶到去匈牙利嗰边，究其原因，仲係当年嘅‘匈奴’经常喺我哋嘅边关搞搞震所引起嘅。
“因为当年嘅‘匈奴’人係‘游牧民族’，佢哋嘅生活完全係‘靠天吃饭’嘅，历来就有‘逐草而居’习惯，一旦草原嘅草生得唔好，佢哋嘅牛羊就无法食得饱，就自然无法繁殖，噉样啲‘匈奴’就会‘挨饿’。佢哋亦就因此打我哋嘅‘主意’，起先係喺我哋嘅边关偷偷摸摸噉抢一把就走。
“之后，佢哋就上咗‘瘾’，竟然发展到不论是‘丰年’，还是‘歉年’，都‘明火执仗’噉嚟抢掠，搞到我哋嘅边关成日都‘狼烟四起’、‘民不聊生’，喱种情形，就好似近代嘅日本‘倭寇’侵扰我哋嘅海疆一样。因此，喺我哋国力仲可以嘅‘两汉’时期，就派兵‘征讨’，一直打到匈奴佢哋‘阿妈都认唔得’，最后唔见咗踪影。
“再之后，又因为我哋国家太过富裕啦，人一有钱，就贪图享受，到咗‘宋朝’后期，骄奢淫逸嘅风气越来越厉害，结果，又畀人家打返转头。
“最厉害嘅係蒙古族元世祖忽必烈，佢喺1271年建立元朝。佢麾下嘅骑兵，喺嗰个年代属于机动性好强嘅部队，就同二战时‘纳粹’嘅‘机械化’部队一样，真係来如电，去如风，几个回合落嚟，就喺1276年灭咗南宋，完全‘入主’中原。
“再、再、再之后，佢哋又挥师欧洲、中东，四处扩张，喺世界好多地方都建立起‘可汗’大帐蓬。所以到宜家欧洲人成日都讲‘黄祸’，一提起就‘心惊惊’，就係噉嚟嘎。
“但事实上，历朝历代嘅中国‘汉人’係唔会噉样做嘅，原因係上面提到嘅，我哋中国很早就发展到‘农耕文明’，并孕育出先进嘅中华文化，这就决定咗以‘汉人’为主体嘅中华民族嘅‘民族特性’。。”
（5）
陶茵接着讲：“中华民族视土地如生命，係自己嘅领土就一定想法子要保住佢，喱个就叫‘守土有责’，而唔係自己嘅嘢呢，我哋中华民族亦都唔会随便‘伸手’，更唔会故意‘无事生非’，去人家嗰度‘打家劫舍’，喱个就叫做‘己所不欲，勿施于人’。
喺对待唔同信仰、唔同政体嘅各个国家方面，我哋历来主张和睦相处，提倡君子‘和而不同’，‘朋而不党’。
“喱啲观念，係我哋中国不仅係‘妇孺皆知’，而且已渗入咗每一个中国人嘅血液之中。比喻讲：当我哋强盛嗰时，我哋唔会靠‘武力’去征服其他嘅国家，而係以‘德’服众，待之以‘礼’，结果周边嘅‘夷狄慕义来朝’，而我哋呢，亦以‘有朋自远方来，不亦乐乎’嘅心态嚟接待各国使者或来宾，仲实行‘厚往薄来’嘅政策，就係人家‘进贡’少少，我哋却‘赠送’多多，甚至为咗‘息事宁人’，皇上仲叫自己嘅女远嫁异国‘和亲’。
“当我哋国家被打败时，我哋亦唔会屈服气馁，而是不断抗争，最终仲将喱个‘入侵’嘅外族‘融合’为中华民族嘅一员，喱种情况，喺世界上係绝无仅有嘅。
“回顾全世界嘅几个古代文明中，亦只有中华文明冇被历史湮灭，中华民族几千年嘅历史亦都从未断过，其中最主要嘅原因，就係得益于中华民族博大精深、源远流长嘅中华文化。
“所以，日本喱个弹丸岛国历史上对我哋係‘敬畏有加’嘅，佢哋之中嘅有识之士係知道佢哋‘侵华’简直就係‘以卵击石’，迟早会被中华民族‘融’咗佢哋嘅，最后佢哋仲算好彩，因‘山姆大叔’嘅两个原子弹掟过去，逼得佢哋提前‘收手’，噉就反而係‘救’咗佢哋，唔係嘅话，继续打落去，‘大和民族’话唔定也会成为我哋嘅又一个‘少数民族’呢。
“当然啦，嫲嫲仲好认真噉对我讲：好似日本喱种噉嘅民族认真‘麻麻地’，就好似‘老鼠屎’，会搞坏中华民族喱个大家庭嘅，所以冇好过有，畀都唔好要。。”
陶茵就这样，长篇大论地讲了一气，在座的众人都听得聚精会神。
陶茵一停下来，阿政和‘肥佬张’立即拍起手长时间鼓掌。
‘肥佬张’边鼓掌，边心悦诚服地对陶卓然讲：“你哋两父女一个有‘真知’，一个有‘灼见’，确实好嘢，喱啲噉嘅观点，我都係第一次听到，个心好受落、好舒服。”讲完他不断地点头表示赞许。
陶茵被夸奖得有点不好意思，就谦虚地讲：“我讲喱啲，都係我嫲嫲同我讲嘅，唔係我自己谂到嘎。”
阿政笑着问：“阿茵，我知你云南嘅姨婆迟啲就过嚟观州探你嫲嫲，到时我哋亦去睇睇你嫲嫲嚸样啊？”
“哦？阿政叔想做乜嘢吖？”陶茵奇怪地问。
“冇乜嘢。”阿政讲：“我只係想见见噉‘睿智’嘅老人家啫。”
“我都去。。”‘肥佬张’在旁边也表态说。
“你？”阿政听了就疑惑地看着‘肥佬张’，讲：“你就唔好去啦吧？”
‘肥佬张’问：“嚸解吖？”
“你开口埋口就‘萝卜头’、‘日本仔’、‘嘎佬’、‘美国佬’，鬼噉粗鲁，失礼人啫。”阿政笑笑地讲。
‘肥佬张’听了，很不满地用鼻子重重地‘哼’了声，他站起来，提高声调地讲：“我就係噉嘎啦，鬼叫佢哋‘沆瀣一气’、‘狼狈为奸’，成日喺我哋周边搞搞震吖。嗰啲死‘嘎佬’几十年前屠杀我哋嘅人民，到宜家仲年年都为嗰啲屠夫‘战犯’招魂，死都唔认错。全世界都睇得出嚟，‘日本仔’同‘德国人’比，根本上完全係两回事。人家德国人做错咗，可以跪低认错，但企番起身后，德国人却可以得到全世界嘅原谅。而日本仔呢？到宜家仲係一啲‘愧疚之意、忏悔之心’都冇，你话我闹佢‘萝卜头’有乜嘢错？
“至于美国佬，对9·11事件嘅发生，你美国佬就唔应该反省咩？话係乜嘢有人搞‘恐怖主义’，我睇喱个完全係美国佬自己‘咎由自取’，难道佢哋自己唔係搞紧‘国家恐怖主义’咩？而且美国佬至今都仲係唔承认自己嘅政策有失误，乜都话係人哋唔啱，随便就同喱个国家贴‘无赖国家’，帮嗰个贴‘邪恶轴心国’嘅标签，喱个态度，喱种做法，同日本人冇乜两样，都係‘乞人憎’嘅国家！”
(本章完)